Пүтүн дуняда хәтәргә учраш еһтимали болған деңиз йүзидин 10 метир түвән җайларниң 75% и асияда


2007.03.28
Share on WhatsApp
Share on WhatsApp

Ройтрс агентлиқиниң 28 ‏- март күни ослодин хәвәр қилишичә, йәр шари иссип кетиш һадисиси түпәйлидин, пүтүн дуняда һазир деңиз тешиш хәвпи барғансери еғирлишиватиду. Дуня буйичә хәтәргә учраш еһтимали болған деңиз йүзидин 10 метир түвән җайларниң 75% и асияда, буниң ичидә хитайға келиватқан тәһдит әң чоң.

Хәвәрдә баян қилинишичә, һазир пүтүн йәршари нопусиниң 10 дин бири деңиз йүзидин 10 метир түвән җайлар да яшайду. Буниң үчтин бири асияда. Асиядики әң чоң дөләт болған хитайда 143 милйон адәм деңиз бойлиридики юртларда яшайду. Деңиз тешиш хәвпигә йүзләнгән дөләтләрниң ичидә хитай йүзлиниватқан хейим-хәтәр әң чоң. Униңдин қалса һиндистан, бенгал, ветнам, японийә, мисир, америка қатарлиқ дөләтләр. Бу дөләтләрдики деңиз буйида яшайдиған нопусни қошқанда, дуня буйичә тәхминән 6 йүз милйон адәм һазир хәвп астида.

Тәтқиқат доклатлириға асасланғанда, йеқинқи йиллардин буян деңиз бойлиридики юртларға тез сүрәт билән нопус көчмәктә. Буниң ичидә намратлар көп. Келидиған хейим-хәтәрму, байларға қариғанда намратлар үчүн техиму чоң болуши мумкин. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт