Pütün dunyada xeterge uchrash éhtimali bolghan déngiz yüzidin 10 métir tüwen jaylarning 75% i asiyada


2007.03.28
Share on WhatsApp
Share on WhatsApp

Roytrs agéntliqining 28 ‏- mart küni oslodin xewer qilishiche, yer shari issip kétish hadisisi tüpeylidin, pütün dunyada hazir déngiz téshish xewpi barghanséri éghirlishiwatidu. Dunya buyiche xeterge uchrash éhtimali bolghan déngiz yüzidin 10 métir tüwen jaylarning 75% i asiyada, buning ichide xitaygha kéliwatqan tehdit eng chong.

Xewerde bayan qilinishiche, hazir pütün yershari nopusining 10 din biri déngiz yüzidin 10 métir tüwen jaylar da yashaydu. Buning üchtin biri asiyada. Asiyadiki eng chong dölet bolghan xitayda 143 milyon adem déngiz boyliridiki yurtlarda yashaydu. Déngiz téshish xewpige yüzlen'gen döletlerning ichide xitay yüzliniwatqan xéyim-xeter eng chong. Uningdin qalsa hindistan, bén'gal, wétnam, yaponiye, misir, amérika qatarliq döletler. Bu döletlerdiki déngiz buyida yashaydighan nopusni qoshqanda, dunya buyiche texminen 6 yüz milyon adem hazir xewp astida.

Tetqiqat doklatlirigha asaslan'ghanda, yéqinqi yillardin buyan déngiz boyliridiki yurtlargha téz sür'et bilen nopus köchmekte. Buning ichide namratlar köp. Kélidighan xéyim-xetermu, baylargha qarighanda namratlar üchün téximu chong bolushi mumkin. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet