Chén shüybyen, xitay dölet re'isi xu jintawni teywen'ge teklip qildi


2005-05-03
Share

Tinch okyandiki marshal taqim arallirini ziyaret qiliwatqan teywen prézidénti chén shüybyen, seyshenbe küni xitay dölet re'isi xu jintawni teywen'ge ziyaretke teklip qilip, ikki qirghaqning 1992 - yili "bir jonggo" mesiliside ortaq tonushqa kelgen - kelmigenlikini aydilnglashturushqa chaqirdi.

Chén shüybyen, xitay chong quruqluqining teywen bilen 92 - yili "bir jonggo" mesiliside ortaq tonushqa kelgen, dep qaraydighanliqini eskertip, 92 - yildiki ortaq tonush dégenlik mewjut emes, dep körsetken. Chén shüybyen xu jintawni teywen'ge kélip tekshürüsh élip bérishke, eger 92 - yildiki ortaq tonush mewjut bolmisa, buningdin kéyin bu mesilini tilgha almasliqqa chaqirghan. U, béyjing da'irilirining teywen'ge müshük éyiqi sogha qilghanliqi heqqide toxtaldi. U mundaq deydu: "müshük éyiq qimmetlik haywan, buningda xelq'ara ehdinamilargha xilapliq qilmasliq kérek. Müshük éyiq sogha qilish birliksepke baghlap chüshündürülidighan mesile bolmasliqi kérek."

Bu arida xitay kompartiyisi teywen ishlar ishxanisining mu'awin mudiri wang zeyshi, müshük éyiq sogha qilish teywenkliklerni qolgha keltürüshni meqset qilmaydighanliqini bildürgen. U, teywen da'irilirining tosalghu peyda qilmasliqini ümid qildi.

Fransiye axbarat agéntliqining xewer qilishiche, wang zeyshi, eger chén shüybyen we uning démokratiye tereqqiyat partiyisi musteqilliqtin waz kechmise, béyjingning chén shüybyen we uning partiyisi bilen söhbet élip barmaydighanliqini tekitligen. Emma birleshme axbarat agéntliqining xewer qilishiche, xu jintaw chén shüybyenning teklipini ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet