Teywen "döletni parchilashqa qarshi qanun" ni qattiq tenqid qildi


2005.03.14
Share on WhatsApp
Share on WhatsApp

"Döletni parchilashqa qarshi qanun layihisi" ning xitay xelq qurultiyi teripidin qobul qilinishi, teywenning qattiq naraziliqini qozghidi. Chünki bu qanun, eger teywen musteqilliqini élan qilsa, teywen'ge hujum qilish üchün xitay armiyisige qanuni asas yaritip béridiken.

Gu'atémala we alsalwador ni ziyaret qilish harpisida amérikida toxtap ötken teywenning mu'awin prézidénti lyo shyulyen, birleshken döletler teshkilatidin xitayning döletni parchilashqa qarshi qanunini qattiq tenqid qilishini telep qildi.

Fransiye axbarat agéntliqining xewer béyjingdin xewer qilishiche, teywen parlamént ezaliri, döletni parchilashqa qarshi qanunning xitay xelq qurultiyida qobul qilin'ghanliqigha qarshi naraziliq bildürüsh üchün, xitay bayraqlirini köydürüp, teywenliklerni mezkur qanun'gha qarshi bir milyon kishilik bir namayish teshkilleshke chaqirdi.

Teywen hökümet bayanatchisi cho jung teyning muxbirlargha éytishiche, döletni parchilashqa qarshi qanunning xitay xelq qurultiyi teripidin qobul qilin'ghanliqi, teywen'ge qarshi urush ilan qilin'ghan'gha oxshashla bir heriket iken . Pütün teywen xelqining mezkur qanun'gha qarshi ikenlikini tekitligen teywen hökümet bayanatchisi, biz dunya jama'etchilikining bu qanun'gha qarshi chiqidighanliqigha ishinimiz. Chünki bu qanun sherqi asiyaning bixeterlikige jiddi bir tehdid hésablinidu, dédi . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet