Béyjing saqchilargha térrorizmgha qarshi turush telim terbiyisi élip bérilmaqta


2006-04-28
Share

Jonggo da'ilirining jüme küni élan qilishiche, paytext béyjingda 4000 din artuq saqchigha 2008 - yili ötküzülidighan béyjing olimpik terbiye yighini jeryanida yüz béridighan tasadipiy "térrorluq weqeliri" ge qarshi turush telim terbiyisi élip bérilishke bashlidi.

Shinxu'a axbarat agéntliqi saqchilarning görüge élin'ghanlarni qutquzush qatarliq türler boyiche 2 yilliq telim terbiye meshiqi élip baridighanliqini we én'gliz, fransuz, gérman, ereb tillirini öginish telep qilinidighanliqini bildürdi.

Xewerde eskertishiche, béyjing sheherlik partkomning mu'awin sékrétari chyang wéy, telim terbiye élip bérishtiki meqsidini "olimpik yighini jeryanida yüz béridighan tasadipiy weqelerning aldini élish we bir terep qilishtur. Bizning térrorluqqa qarshi küchlük bir qoshun'gha ihtiyajimiz bar," deydu. Lékin birleshme axbarat agéntliqining eskertishiche, béyjing olimpik yighinining bixeterliki mesilisi 11 - séntebir weqesidin kéyin élip bérilghan aténa olimpik yighini yaki salt léyk shehiridiki qishliq olimpik yighinining eksinche, xelq'ara jem'iyet endishe qiliwatqan mesile emes.

Birleshme axbarat agéntliqi, béyjing da'irlirining pilani falun'gong muritlirini cheklesh we béyjing da'irilirini bi'aram qiliwatqan sherqiy türkistan küchlirige qaritilghanliqini bildürdi.

Béyjing olimpik yighinini teshkilligüchiler, olimpik yighinining élan sen'et, tarqitish we axbarat ishlirini amérikining Hill and Knowlton shirkitige ötküzüp bermekchi bolghan. Lékin birleshme axbarat agéntliqining tekitlishiche, bu shirket bir tereptin jonggoning obrazini tiklesh, yene bir tereptin jonggoning ichki we xelq'ara metbu'atlarni cheklesh herikitige duch kelmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet