Пакситан хитайдики меһманханиларға қаритилған террорлуқ һоҗум тәһдити һәққидики учурни тәкшүрмәктә


2005.11.24
Share on WhatsApp
Share on WhatsApp

Пакистан бихәтәрлик қисимлири, хитай һөкүмитиниң тәлипи бойичә намәлум гуруһларниң хитай вә хоңкоңдики меһманханиларға террорлуқ һоҗум қозғаш тәһдити салғанлиқи һәққидики учур үстидин тәкшүрүш елип бармақта.

Пакистан даирилириниң билдүрүшичә, үч һәптә аввал, хитайниң карачидики консулханисиға " әли " исимлик бирсиниң намид &# xFE8D; бир тәһдит хети факис қилинған. Арқидин америкиниң бейҗиңдики әлчиханиси, пуқралирини һошярлиқни өстүрүш һәққидә агаһландуруш хети чиқарған иди. Кийин хитай вә америка даирилири бу учурниң мәнбәсиниң ениқ әмәсликини көрситип, бу уқтурушни қайтурувалған.

Ройтирс агентлиқиниң хәвиригә қариғанда, пакистан тәкшүргүчилири нөвәттә бу тәһдитниң шәрқий түркистан ислам һәрикити дегән тәшкилат билән алақиси болуши мумкинликидин гуманланмақта икән. Пакистан ахбарат даирилири, пакситанда уйғур елидин кәлгән аз бир қисим диний пидаийларниң барлиқидин хәвәрдар икәнлики вә пат арида уларниң па &# xFE8B;алийәтлирини йиғуштуридиға &# xFEE7;лиқини билдүрди.

Пакистан һөкүмити илгири пакистандики уйғур мусапирханилирини тақап, пакистанда диний тәлим- тәрбийә еливатқан уйғур оқуғучилар вә башқа уйғурларни хитай һөкүмитигә қайтуруп бәргән. Хитай һөкүмити уларниң қисмәнлиригә еғир җаза бәргән иди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.