Hökümetke erzini aqquzalmighan déhqanlar özlirining hoquqini qoghdash üchün teshkillinishke bashlighan

Merkizi agéntliqining xewer qilishiche, xitayda yéqinqi yillardin buyan jaylarda yüz bergen yer igilesh mesilisidin herxil toqunushlar partlidi. Déhqanlar hökümetke erzini aqquzalmighandin kéyin, erziyetchiler tarqaq halda erz sunushtin topliship erz sunushqa yüzlendi. Hazir bundaq shekil tereqqi qilip, erziyetchiler özliri pul toplap 'zémin qoghdash wekili' yaki 'zémin qoghdash etriti' yaki 'déhqanlarning hoquqini qoghdash jem'iyiti' teshkillep, yer igiligüchilerge qarshi yer-zémin urushi qilishqa bashlidi. Bundaq teshkilatlar hazir chong shirketlerdin, hetta partiye ichidinmu eza toplashqa bashlidi.

Shenshi ölkisidiki zémin qoghdash teshkilatining ezasi ju jünbyaw merkizi agéntliqining muxbirigha 'burun déhqanlar séliqni yenggillitish üchün dawa qilatti, déhqanlar ish éghir kelse yaki qéyinchiliq tartsa kötiriwiridu, emma hazir yer -zéminidin mehrum qélip turmush menbesidin ayrilip qaldi. Déhqanlar emdi buni hergiz kötürmeydu' dégen. Hökümetning 'yérim ayliq söhbet 'dégen zhurnilida bayan qilinishiche, hökümet hazir enxüy, jyangsu, jéjyang, xénen, sichu'en, shenshi qatarliq ölkilerde peyda boluwatqan yer-zéminni qoghdash teshkilatlirining qarshiliq körsitish shekillirige alahide diqqet qilmaqta. (Weli)