Sant luki'a teywen bilen xitay arisida diplomatiye talash-tartishida qaldi

Seyshenbe küni sant luki'a tashqi ishlar ministiri, Rufus Bousquet sant luki'aning teywen bilen diplomatik alaqe ornitish arzusini ipadiligen idi.

Shuning bilen xitayning sant luki'ada turushluq elchixanisi mezkur döletning bashliqliri bilen körüshüshni jiddiy telep qilip, sa'int lukiyaning xitay bilen bolghan diplomatik munasiwetlirini saqlap qélishqa urundi. Charshenbe küni xitayning sa'int luki'adiki elchixana bayanatchisi bil yang birleshme agéntliqigha mundaq dégen: "biz ular bilen qolimizda waqit bar peytide biwaste körüshüshni xalaymiz ".

Sa'int luki'aning bash ministiri John Compton ning partiyisi teywen bilen 13 yil munasiwet saqlap kelgen bolup, uning partiyisi 1996 ‏- yili emgek partiyisi teripidin meghlup qilin'ghan.

Sa'int luki'a 168ming nopusqa ige. Sa'int luki'a 1984 - yili teywen bilen diplomatik munasiwet ornatqan bolsimu, 1997-yili xitay bilen munasiwet ornitish üchün teywendin qol üzgen idi.

Teywen tashqi ishlar ministiri xu'ang jifang mundaq dédi: "biz xitayning buninggha nisbeten küchlük qarshiliq körsitidighanliqini bilettuq, emma sa'int luki'aning xitay bilen diplomatik munasiwetni üzishni telep qilmighan iduq".

Birleshme agéntliqining 27- april bergen xewiride qeyt qilinishiche, xitay we teywen "dollar diplomatiyisi" ni qollinip, yardem we qutquzush ishliri bilen teminlesh arqiliq ittipaqdashlarni utushqa tériship kelmekte iken. (Jüme)