Amérika dölet mejliside 16 neper awam palata ezasi teywen heqqide muhim teklip otturigha qoydi

Bügün, 5 ‏- ayning 2 ‏- küni, amérika dölet mejliside stéw shabot qatarliq 16 neper awam palata ezasi birlikte 136 ‏- nomurluq teklip qoyup, teywende xelq saylighan prézidéntlarni öz ichige alghan yuqiri derijilik emeldarlarning amérikini ziyaret qilishi jehettiki namuwapiq cheklimilerni pütünley emeldin qaldurush kéreklikini telep qildi.

Amérika dölet mejliside otturigha qoyulghan bu 136 ‏- nomurluq teklip layihiside, teywen boghuzining pütün dunya étirap qilghan herbiy toqunush yüz bérishi mumkin bolghan noqta ikenliki, amérika - teywen otturisida biwaste sözlishishning zörürliki, buning üchün amérika terepte 1994 ‏- yilidin étibaren ijra qilinishqa bashlighan "köchmen we dölet teweliki heqqide tüzitish kirgüzülgen qoshumche belgilime"ning 221 ‏- maddisidiki 'teywenning yuqiri derijilik emeldarliri amérikigha kirish üchün ruxset élishi kérek" dégen belgilimini emeldin qaldurush lazimliqi tekitlen'gen. (Weli)