ئامېرىكا تەيۋەننىڭ ئۇزۇن مۇساپىلىق ھۇجۇم قوراللىرىنى تەرەققى قىلدۇرۇشىنى قوللىمايدۇ


2007-05-03
Share

تەيۋەن ھەربىي قىسىملىرى ئۆتكەن ئايدا ئۆتكۈزگەن 'خەنگۇئاڭ' بەلگىلىك ھەربىي مەشقتە، خىتايدىكى مۇھىم ھەربىي نوقتىلارغا ھۇجۇم قوزغايدىغان، مۇساپىسى ئالدىن ھېسابلاپ بېكىتىلگەن تاكتىكىلىق باشقۇرۇلىدىغان بومبا مودېلىنى كۆرسەتكەن ئىدى.

ب ب س نىڭ خەۋەر قىلىشىچە، ئامېرىكا دۆلەت بىخەتەرلىك كومىتېتى يېقىندا "ھۇجۇم قوزغايدىغان قوراللارنى تەرەققى قىلدۇرۇش تەيۋەن بوغۇزىنىڭ مۇقىملىقى ئۈچۈن پايدىسىز، ئامېرىكا پەقەت تەيۋەننىڭ ھۇجۇم خاراكتىرلىق قورال ئەمەس، بەلكى ئىستراتېگىيىلىك مۇداپىئە قوراللىرىنى تەرەققى قىلدۇرۇشىنىلا قوللايدۇ" دېگەن.

2005 ‏- يىلى ئىمزالانغان ئامېرىكا -ياپونىيە بىخەتەرلىك ئەھدىنامىسى' نىڭ دائىرىسىگە تەيۋەنمۇ كىرگۈزۈلگەن ئىدى. ئەمما بۇ ئەھدىنامىنىڭ ھازىر كۆڭۈل بۆلۈۋاتقان نۇقتىسى كورىيە يېرىم ئارىلىنى يادرو قوراللىرىدىن خالى قىلىش مەسىلىسى ۋە كوممۇنىست خىتاينىڭ ھەدەپ كۆپەيتىلىۋاتقان ھەربىي خامچوتى مەسىلىسى.

بۇنداق ئەھۋال ئاستىدا، تەيۋەن تاشقى ئىشلار مىنىستىرلىقى يەنىلا، دۆلەت ئىچىدە دېموكراتىيىنى كېڭەيتىش ئارقىلىق ئامېرىكا بىلەن ياپونىيىنىڭ ئىستراتېگىيىلىك ئورتاق نىشانلىرىغا قاتنىشىشنى ئۆزىنىڭ مەنپەئەتىگە ئۇيغۇن دەپ قارىماقتا. (ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت