Amérika teywenning uzun musapiliq hujum qorallirini tereqqi qildurushini qollimaydu

Teywen herbiy qisimliri ötken ayda ötküzgen 'xen'gu'ang' belgilik herbiy meshqte, xitaydiki muhim herbiy noqtilargha hujum qozghaydighan, musapisi aldin hésablap békitilgen taktikiliq bashqurulidighan bomba modélini körsetken idi.

B b s ning xewer qilishiche, amérika dölet bixeterlik komitéti yéqinda "hujum qozghaydighan qorallarni tereqqi qildurush teywen boghuzining muqimliqi üchün paydisiz, amérika peqet teywenning hujum xaraktirliq qoral emes, belki istratégiyilik mudapi'e qorallirini tereqqi qildurushinila qollaydu" dégen.

2005 ‏- Yili imzalan'ghan amérika -yaponiye bixeterlik ehdinamisi' ning da'irisige teywenmu kirgüzülgen idi. Emma bu ehdinamining hazir köngül bölüwatqan nuqtisi koriye yérim arilini yadro qoralliridin xali qilish mesilisi we kommunist xitayning hedep köpeytiliwatqan herbiy xamchoti mesilisi.

Bundaq ehwal astida, teywen tashqi ishlar ministirliqi yenila, dölet ichide démokratiyini kéngeytish arqiliq amérika bilen yaponiyining istratégiyilik ortaq nishanlirigha qatnishishni özining menpe'etige uyghun dep qarimaqta. (Weli)