Тәйвән хитайниң тәқлиди һуҗумиға қарши һәрби маневер елип барди


2007.05.16
Share on WhatsApp
Share on WhatsApp

Сәйшәнбә күни тәйвәндә, 4 кун давамлишидиған "хәнгуваң 23" ( хитай шөһрити) намлиқ һәрби маневир тәйвәндики үч районда охшашмиған вақитта башлинип, тунҗи күндики маневир нәтиҗилик тамамланди.

Тәйвән мудапиә қисимлири хитайниң туюқсиз һуҗумиға тәқлид қилинған һуҗумға айрупиланға қарши башқурулидиған бомбилирини ишлитип тақабил турди.

Мәзкур маневрниң асаси мәқсити болса тәйвәнниң хитай һуҗумиға қариши һәрби тәйярлиқ әһвалини синаш болуп,мәлум болушичә, бу маневириға күрәшчи айрупилан, қоғдиғучи парахот вә тикучарлар ишқа селниған вә җәмий 1800 һәрбий хадим қатнашқан.

Бу нөвәтлик маневирини из қоғлап хәвәр қилған тәйвән телевизийә истансилириниң мәлуматиға қариғанда, бу маневер тәйвән армийисиниң хитай һуҗумлириға тақабил туруш иқтидари җәһәттә хәлқ көңлини әмин қилған.

Икки йил илгири бейҗиң тәрәп қарар мақуллап, әгәр тәйвән мустәқиллиқ җакарлиса һуҗум қозғайдиғанлиқини билдүргән.

Бу қетимлиқ маневер тәйвән бу йил хән гуваң намида елип барған маневрниң иккинчи қетимлиқи болуп, тәйвән 1984-йилдин буян һәр йили бир нөвәт мушу хилдики мәнивәр өткүзүп кәлмәктә. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.