Демократийә вә тәрәққият партийисиниң рәиси, америка бир җуңго сияситини көздин кәчүрүшкә мәҗбур болиду, дәйду


2007.05.19
Share on WhatsApp
Share on WhatsApp

Шәнбә күни тәйвән демократийә вә тәрәққят партийисиниң рәиси ю ши күн, әгәр демократийә вә тәрәққият партийиси 2008‏-йили өткүзүлидиған президент сайлимида авазларниң мутләқ көпсанлиқини қолға кәлтүрүш арқилиқ ғәлибә қилиса, америка аталмиш бир җуңго сияситини қайтидин күздин кәчүрүшкә мәҗбур болиду, дегән.

"Тәйвән йеңи әсир фонди җәмийити" тәрипидин уюштурулған йеғинда сөз қилған ю ши кун, тәйвән демократийә вә тәрәққият партийисиниң 2004‏- йилидики президент сайлимида ғәлибә қилиши билән бирликтә америкидики нурғунлиған тәтқиқат мәркәзлириниң америкиниң " бир җуңго сиясити‏"‏- һәққидә шәк вә шүбһә изһар қилишқа башлиғанлиқини, билдүрди. Униң билдүрүшичә, әгәр тәйвән демократийә вә тәрәққият партийиси 2008‏-йили өткүзүлидиған президент сайлимида 2004‏- йилидикидин көпрәк аваз қолға кәлтүрәлисә, америка " бир җуңго сияситини" чоқум көздин кәчүрүшкә мәҗбур болидикән.

У, 2008‏- йилидики президент сайлиминиң тәйвәндә мәвҗут нурғун мәсилиләрниң бир тәрәп қилинишида һалқилиқ рол ойнайдиғанлиқини тәкитләп, тәйвәнниң миллий кимлики һәққидики мәсилә бир тәрәп болмай туруп, тәйвәндә мәвҗут башқа мәсилиләрни һәл қилиш мумкин әмәс дәп, көрсәтти.

Тәйвән демократийә вә тәрәққият партийисиниң рәиси юши күн сөзидә, йеқинда тәйвән елип берилған бир рай снашта, тәйвән хәлқиниң 70% өзлирини тәйвәнлик дәп қарайдиғанлиқини пәқәт 10% кишиниң өзлирини хилаплиқ дәп қарайдиғанлиқини иипадилигәнликини, тәкитлигән. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.