Démokratiye we tereqqiyat partiyisining re'isi, amérika bir junggo siyasitini közdin kechürüshke mejbur bolidu, deydu


2007.05.19
Share on WhatsApp
Share on WhatsApp

Shenbe küni teywen démokratiye we tereqqyat partiyisining re'isi yu shi kün, eger démokratiye we tereqqiyat partiyisi 2008‏-yili ötküzülidighan prézidént saylimida awazlarning mutleq köpsanliqini qolgha keltürüsh arqiliq ghelibe qilisa, amérika atalmish bir junggo siyasitini qaytidin küzdin kechürüshke mejbur bolidu, dégen.

"Teywen yéngi esir fondi jem'iyiti" teripidin uyushturulghan yéghinda söz qilghan yu shi kun, teywen démokratiye we tereqqiyat partiyisining 2004‏- yilidiki prézidént saylimida ghelibe qilishi bilen birlikte amérikidiki nurghunlighan tetqiqat merkezlirining amérikining " bir junggo siyasiti‏"‏- heqqide shek we shübhe izhar qilishqa bashlighanliqini, bildürdi. Uning bildürüshiche, eger teywen démokratiye we tereqqiyat partiyisi 2008‏-yili ötküzülidighan prézidént saylimida 2004‏- yilidikidin köprek awaz qolgha keltürelise, amérika " bir junggo siyasitini" choqum közdin kechürüshke mejbur bolidiken.

U, 2008‏- yilidiki prézidént saylimining teywende mewjut nurghun mesililerning bir terep qilinishida halqiliq rol oynaydighanliqini tekitlep, teywenning milliy kimliki heqqidiki mesile bir terep bolmay turup, teywende mewjut bashqa mesililerni hel qilish mumkin emes dep, körsetti.

Teywen démokratiye we tereqqiyat partiyisining re'isi yushi kün sözide, yéqinda teywen élip bérilghan bir ray snashta, teywen xelqining 70% özlirini teywenlik dep qaraydighanliqini peqet 10% kishining özlirini xilapliq dep qaraydighanliqini i'ipadiligenlikini, tekitligen. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.