Америка мудапиә министирлиқи доклатида, хитайни тәйвәнгә һуҗум қилмаслиқ тоғрисида агаһландурди


2007-05-26
Share

Америка мудапиә министирлиқи җүмә күни хитайниң һәрбий күчи тоғрисида елан қилған доклатида, хитай һөкүмитини тәйвәнгә һуҗум қилмаслиқ тоғрисида агаһландуруп, хитайниң техи тәйвәнгә қарши ғәлибилик бир һәрбий һәрикәт елип бериш иқтидариға игә әмәсликини билдүрди.

Америка мудапиә министирлиқи тәрипидин елан қилинған доклатта "хитай техи тәйвәндә сиясий мәқсәтлирини әмәлгә ашуралайдиған һәрбий иқтидарға игә әмәс. Хитай рәһбәрлири, әгәр хитай тәйвәнгә һуҗум қилса бу җедәлгә америкиниң арилишидиғанлиқини , америка билән хитай оттурисида узун вақит давамлишидиған бир дүшмәнлик пәйда болидиғанлиқини шундақла буниң хитайниң миллий мәнпәәти үчүн зиянлиқ икәнликини яхши билиду" дейилгән.

Доклатта шундақла әгәр, хитай тәйвәнгә қарши һуҗум қозғиса, буниң хитай иқтсадини вәйранчилиққа учритидиғанлиқи һәмдә хитайға қарши хәлқара бир имбарго йолға қоюлушиға сәвәб болудиғанлиқи тәкитләнгән.

Һәрбий вә сиясий мулаһизичиләр, җүмә күни америка мудапиә минстирлиқи тәрипидин елан қилинған доклатни, һазирғичә америка тәрипидин тәйвәнгә һуҗум қилмаслиқ тоғрисида хитайға берилгән әң җиддий агаһландуруш дәп көрсәтмәктә һәмдә бу доклатниң америка -хитай мунасивәтлирини техиму йирикләштүридиғанлиқини билдүрмәктә.

Сиясий мулаһизичиләр, мудапиә минстирлиқиниң доклатиниң, вашингтонда өткүзүлгән хитай-америка алий дәриҗилик сода сөһбитиниң мәғлубийәт билән аяқлишиши арқисида елан қилинғанлиқиға диққәт қилмақта.(Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт