Amérika mudapi'e ministirliqi doklatida, xitayni teywen'ge hujum qilmasliq toghrisida agahlandurdi


2007-05-26
Share

Amérika mudapi'e ministirliqi jüme küni xitayning herbiy küchi toghrisida élan qilghan doklatida, xitay hökümitini teywen'ge hujum qilmasliq toghrisida agahlandurup, xitayning téxi teywen'ge qarshi ghelibilik bir herbiy heriket élip bérish iqtidarigha ige emeslikini bildürdi.

Amérika mudapi'e ministirliqi teripidin élan qilin'ghan doklatta "xitay téxi teywende siyasiy meqsetlirini emelge ashuralaydighan herbiy iqtidargha ige emes. Xitay rehberliri, eger xitay teywen'ge hujum qilsa bu jédelge amérikining arilishidighanliqini , amérika bilen xitay otturisida uzun waqit dawamlishidighan bir düshmenlik peyda bolidighanliqini shundaqla buning xitayning milliy menpe'eti üchün ziyanliq ikenlikini yaxshi bilidu" déyilgen.

Doklatta shundaqla eger, xitay teywen'ge qarshi hujum qozghisa, buning xitay iqtsadini weyranchiliqqa uchritidighanliqi hemde xitaygha qarshi xelq'ara bir imbargo yolgha qoyulushigha seweb boludighanliqi tekitlen'gen.

Herbiy we siyasiy mulahizichiler, jüme küni amérika mudapi'e minstirliqi teripidin élan qilin'ghan doklatni, hazirghiche amérika teripidin teywen'ge hujum qilmasliq toghrisida xitaygha bérilgen eng jiddiy agahlandurush dep körsetmekte hemde bu doklatning amérika -xitay munasiwetlirini téximu yirikleshtüridighanliqini bildürmekte.

Siyasiy mulahizichiler, mudapi'e minstirliqining doklatining, washin'gtonda ötküzülgen xitay-amérika aliy derijilik soda söhbitining meghlubiyet bilen ayaqlishishi arqisida élan qilin'ghanliqigha diqqet qilmaqta.(Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet