Тәйвән хитайдики кишилик һоқуқ паалийәтчилирини қоллайду


2007-07-07
Share

Тәйвәнниң америкида турушлуқ вәкили җозиф ву, вашнгтонниң диққитини хитайдики кишилик һоқуқ паалийәтчилириниң вәзийитигә тартиш мәсилсигә ярдәм беридиғанлиқини вәдә қилди.

Җозиф ву, пәйшәнбә күни вашнгтонда хитай кишилик һоқуқ паалийәтчиси ваң явчең билән өткүзгән сөһбити җәрянида бәргән баянатида, "тәйвән хәлқи вә тәйвән һөкүмити хитайдики кишилик һоқуқ паалийәтчилирини давамлиқ қоллайду вә уларниң һәрикитини давамлаштурушини арзу қилиду. Дектаторлуқтин демократик бир җәмийәткә өзгириш җәрянини бешидин өткүзгән тәйвән, хитайдики кишилик һоқуқ паалийәтчилири дуч келиватқан қийинчилиқларни яхши билиду" деди.

Америка дөләт мәҗлиси әзалиридин хитайдики кишилик һоқуқ паалийәтчилириниң әһвалиға көңүл бөлүшини тәләп қилип келиватқанлиқини тәкитлигән тәйвәнниң америкида турушлуқ вәкили ву, пәйшәнбә күни америкиниң санфрансиско шәһиридә тохтап өткән тәйвән муавин президентиниң америка һөкүмитидин хитай һөкүмитиниң өткән 10 йил җәрянида хоң коңдики кишилик һоқуқ дәпсәндичиликлиригә диққәт қилишни тәләп қилғанлиқини билдүрди.

Хитай кишилик һоқуқ паалийәтчиси ваң явчең, америка кишилик һоқуқ паалийәтчилири тәрипидин хитай кишилик һоқуқ адвукати гав җешиң ға берилгән "җасарәтлик паалийәтчи мукапати" ни тапшуруп елиш үчүн америкиға кәлгән. Гав җешиң хитай түрмисидә йетиватқанлиқи үчүн мукапатни тапшуруп елишқа америкиға келәлмигән.

Хитай кишилик һоқуқ паалийәтчиси ваң явчең мукапатни тапшуруп елиш мурасимида қилған сөзидә, хитайдики кишилик һоқуқ адвукатлириниң мәқсити мукапат елиш әмәс, хитай хәлқини, хитай коммонситлириниң бесими астидин қутқузуш,деди.

Сөзидә, гав җешиңниң хитай коммунистлириниң бесимлириға боюн әгмәйдиғанлиқини вә хитай хәлқи үчүн елип бериватқан күришини давамлаштурудиғанлиқини тәкитлигән ваң явчең, тәйвән хәлқини хитай коммунистлириниң һәқиқи қияпитини көрүшкә һәмдә демократийә үчүн елип бериватқан күрәшлирини давамлаштурушқа чақирди. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт