Teywen xitaydiki kishilik hoquq pa'aliyetchilirini qollaydu


2007.07.07
Share on WhatsApp
Share on WhatsApp

Teywenning amérikida turushluq wekili jozif wu, washn'gtonning diqqitini xitaydiki kishilik hoquq pa'aliyetchilirining weziyitige tartish mesilsige yardem béridighanliqini wede qildi.

Jozif wu, peyshenbe küni washn'gtonda xitay kishilik hoquq pa'aliyetchisi wang yawchéng bilen ötküzgen söhbiti jeryanida bergen bayanatida, "teywen xelqi we teywen hökümiti xitaydiki kishilik hoquq pa'aliyetchilirini dawamliq qollaydu we ularning herikitini dawamlashturushini arzu qilidu. Déktatorluqtin démokratik bir jem'iyetke özgirish jeryanini béshidin ötküzgen teywen, xitaydiki kishilik hoquq pa'aliyetchiliri duch kéliwatqan qiyinchiliqlarni yaxshi bilidu" dédi.

Amérika dölet mejlisi ezaliridin xitaydiki kishilik hoquq pa'aliyetchilirining ehwaligha köngül bölüshini telep qilip kéliwatqanliqini tekitligen teywenning amérikida turushluq wekili wu, peyshenbe küni amérikining sanfransisko shehiride toxtap ötken teywen mu'awin prézidéntining amérika hökümitidin xitay hökümitining ötken 10 yil jeryanida xong kongdiki kishilik hoquq depsendichiliklirige diqqet qilishni telep qilghanliqini bildürdi.

Xitay kishilik hoquq pa'aliyetchisi wang yawchéng, amérika kishilik hoquq pa'aliyetchiliri teripidin xitay kishilik hoquq adwukati gaw jéshing gha bérilgen "jasaretlik pa'aliyetchi mukapati" ni tapshurup élish üchün amérikigha kelgen. Gaw jéshing xitay türmiside yétiwatqanliqi üchün mukapatni tapshurup élishqa amérikigha kélelmigen.

Xitay kishilik hoquq pa'aliyetchisi wang yawchéng mukapatni tapshurup élish murasimida qilghan sözide, xitaydiki kishilik hoquq adwukatlirining meqsiti mukapat élish emes, xitay xelqini, xitay kommonsitlirining bésimi astidin qutquzush,dédi.

Sözide, gaw jéshingning xitay kommunistlirining bésimlirigha boyun egmeydighanliqini we xitay xelqi üchün élip bériwatqan kürishini dawamlashturudighanliqini tekitligen wang yawchéng, teywen xelqini xitay kommunistlirining heqiqi qiyapitini körüshke hemde démokratiye üchün élip bériwatqan küreshlirini dawamlashturushqa chaqirdi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.