تەيۋەن ھۆكۈمىتىنىڭ جاڭ كەيشىنى ئۇلۇقلاشنى ئاخىرلاشتۇرۇش تەدبىرى بۈگۈن يەنە گومىنداڭچىلارنىڭ قارشىلىقىغا ئۇچرىدى


2007.12.05
Share on WhatsApp
Share on WhatsApp

تەيۋەن ھۆكۈمىتىنىڭ جاڭ كەيشىنى ئۇلۇقلاشنى ئاخىرلاشتۇرۇش، جاڭ كەيشىنى ئۇلۇغلايدىغان بېغىشلىمىلارنى ئېلىپ تاشلاش ھەرىكىتى بۈگۈن يەنە گومىنداڭچىلارنىڭ قارشىلىقىغا ئۇچرىدى.

ب ب س نىڭ 5 ‏- دېكابىر كۈنى بايان قىلىشىچە، تەيۋەن ھۆكۈمىتىنىڭ يېڭى تەدبىرىگە گومىنداڭچىلار قارشىلىق بىلدۈرگەندە، گومىنداڭ پارتىيىسىنىڭ پرېزىدېنت نامزاتى ما يىڭجۇ جاڭ كەيشى خاتىرە سارىيىدىكى بېغىشلىمىلارنى مەجبۇرىي ئېلىپ تاشلاش قانۇنسىز، دەپ جاكارلىدى ۋە گومىنداڭ پارتىيىسى ھوقۇق تۇتۇۋاتقان تەيبېي شەھىرىنىڭ ھۆكۈمەت دائىرىلىرى نەق مەيدانغا ساقچى ئەۋەتتى. تەيۋەن مەركىزى ھۆكۈمىتىمۇ نەق مەيدانغا ساقچى ئەۋەتتى. گەرچە 'ئېغىز جېڭى' بولغان بولسىمۇ، ئەمما ئېغىر ۋەقە يۈز بەرمىدى.

خەۋەردە ئېيتىلىشىچە، بۇنىڭدىن بۇرۇن، تەيۋەندىكى مىنجىنداڭ پارتىيىسىنىڭ تەشەببۇسى بىلەن تەيۋەن ھۆكۈمىتى 'جاڭ كەيشى خاتىرە سارىيى'نى چېقىش ۋە جاڭ كەيشىنى 'مىللەتنىڭ نىجات يۇلتۇزى'، ' ئۇلۇق ئەرباب' دەپ مەدھىيىلەيدىغان بېغىشلىمىلارنى ئېلىپ تاشلاشنى قارار قىلغاندىن كېيىن، گەرچە گومىنداڭچىلار بۇنىڭغا قارشىلىق كۆرسەتكەن بولسىمۇ، ئەمما يەنىلا جاڭ كەيشى ھەيكەللىرىنىڭ كۆپىنچىسى ئېلىپ تاشلانغان ئىدى.

شۇنداقلا، بۇ خاتىرە ساراينى قۇرغان ئورگانغا 20 مىليون تەيۋەن پۇلى جەرىمانە قويۇلغان ئىدى. ھازىر تەيۋەن ھۆكۈمىتى جاڭ كەيشىنى ئۇلۇقلاشنى ئاخىرلاشتۇرۇش ئۈچۈن يېڭى تەدبىر قوللانماقتا. (ۋەلى)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.