Teywen hökümitining jang keyshini uluqlashni axirlashturush tedbiri bügün yene gomindangchilarning qarshiliqigha uchridi


2007.12.05
Share on WhatsApp
Share on WhatsApp

Teywen hökümitining jang keyshini uluqlashni axirlashturush, jang keyshini ulughlaydighan béghishlimilarni élip tashlash herikiti bügün yene gomindangchilarning qarshiliqigha uchridi.

B b s ning 5 ‏- dékabir küni bayan qilishiche, teywen hökümitining yéngi tedbirige gomindangchilar qarshiliq bildürgende, gomindang partiyisining prézidént namzati ma yingju jang keyshi xatire sariyidiki béghishlimilarni mejburiy élip tashlash qanunsiz, dep jakarlidi we gomindang partiyisi hoquq tutuwatqan teybéy shehirining hökümet da'iriliri neq meydan'gha saqchi ewetti. Teywen merkizi hökümitimu neq meydan'gha saqchi ewetti. Gerche 'éghiz jéngi' bolghan bolsimu, emma éghir weqe yüz bermidi.

Xewerde éytilishiche, buningdin burun, teywendiki minjindang partiyisining teshebbusi bilen teywen hökümiti 'jang keyshi xatire sariyi'ni chéqish we jang keyshini 'milletning nijat yultuzi', ' uluq erbab' dep medhiyileydighan béghishlimilarni élip tashlashni qarar qilghandin kéyin, gerche gomindangchilar buninggha qarshiliq körsetken bolsimu, emma yenila jang keyshi heykellirining köpinchisi élip tashlan'ghan idi.

Shundaqla, bu xatire sarayni qurghan organ'gha 20 milyon teywen puli jerimane qoyulghan idi. Hazir teywen hökümiti jang keyshini uluqlashni axirlashturush üchün yéngi tedbir qollanmaqta. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.