Chin shüybyen teywen xelqini, teywenning b d t gha kirish herikitini qollashqa chaqirdi


2007.09.03
Share on WhatsApp
Share on WhatsApp

Teywen prézidénti chin shüybyen, teywen wetenperwerlirini, teywenning b d t gha eza bolush herikitini, pütün küchi bilen qollashqa chaqirdi.

Prézidént chin shüybyen yekshenbe küni, teybide ötküzülgen teywen oqughuchilirining bir yighinida bergen bayanatida, sabiq dölet re'isi jyang keyshining, 1970 ‏- yillarning bashlirida amérikining, hem teywen hem xitay xelq jumhuriyitining b d t gha eza bolushi toghrisidiki teklipini qobul qilmighanliqini chong siyasiy xataliq dep körsetti. U, " prézidént jyang keyshining qarari, teywenni xelq'arada éghir ehwalda qaldurup, bügün qaytidin b d t gha eza bolush üchün bundaq bir heriket bashlishimizgha seweb boldi" dégen.

Chin shüybyen, teywen xelqidin 15‏- séntebir küni, teywenning b d t gha eza bolushini qollash meqsitide, teywenning jenubiy rayonigha jaylashqan gawshyung shehiride ötküzülidighan yighilishqa qatnishishini telep qildi. U shundaqla teywenning b d t gha eza bolushini qollash üchün teyyarlan'ghan iltimasqa qol qoyghanlar sanining öktebir éyining axirighiche 8 milyon kishige yétidighanliqini bildürdi.

Bu arida, franisye agéntliqining teybéydin xewer qilishiche, düshenbe küni onlighan kishi amérikining teywendiki ishxanisi aldida namayish ötküzüp, amérika hökümitining aliy derijilik xadimi dinnis wilderning, teywen dölet emes, dégen bayanatigha naraziliq bildürgen.

Xewerlerge qarighanda, aqsarayning xadimi dinnis wilder ötken hepte washin'gtonda muxbirlargha bergen bayanatida, " teywen bir dölet emes, shunga u b d t gha eza bolalmaydu" dep körsetken idi. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.