چېن شۈيبيەن : تەيۋەن بىرلەشكەن دۆلەتلەر تەشكىلاتىغا ئەزا بولۇشقا تامامەن ھەقلىق


2007.09.11
Share on WhatsApp
Share on WhatsApp

خىتاي تەيۋەننىڭ بىرلەشكەن دۆلەتلەر تەشكىلاتىغا ئەزا بولۇش تەلىپىگە قارشىلىق بىلدۈرۈۋاتقان بىر پەيتتە ، تەيۋەن پرېزىدېنتى چېن شۈيبيەن يەنە بىر قېتىم بايانات ئېلان قىلىپ، تەيۋەننىڭ بىرلەشكەن دۆلەتلەر تەشكىلاتىغا ئەزا بولۇشقا تامامەن ھەقلىق ئىكەنلىكىنى بىلدۈردى.

تەيۋەن مەركىزى ئاگېنتلىقى دۈشەنبە كۈنى، پرېزىدېنت چېن شۈيبيەننىڭ سۆزىنى نەقىل كەلتۈرۈپ، تەيۋەن توغرا نام قوللىنىشى، ئاساسىي قانۇن تىكلەش ئارقىلىق بىرلەشكەن دۆلەتلەر تەشكىلاتىغا ئەزا بولۇشى شۇنىڭ بىلەن بىرگە يېڭى ۋە مۇستەقىل بىر دۆلەتكە ئايلىنىشى كېرەك ،" دېدى.

چېن شۈيبيەن سۆزىدە يەنە ، كېلەر يىلى 3 ‏- ئايدا ئۆتكۈزۈلىدىغان تەيۋەن پرېزىدېنت سايلىمى بىلەن تەيۋەننىڭ بىرلەشكەن دۆلەتلەر تەشكىلاتىغا ئەزا بولۇش تەلىپى ئۈستىدە خەلق رايىنى سىناشنى بىرلىكتە ئېلىپ بېرىشنى ئۈمىد قىلىدىغانلىقىنى تەكىتلىدى.

ئامېرىكا بىرلەشمە ئاگېنتلىقىنىڭ سەيشەنبە كۈنى بەرگەن خەۋىرىگە قارىغاندا، تەيۋەننىڭ بىرلەشكەن دۆلەتلەر تەشكىلاتىغا ئەزا بولۇش پىلانى، تەيۋەن بىلەن خىتاي مۇناسىۋىتىنىڭ جىددىيلىشىشىگە سەۋەب بولماقتا. بۇ ئارىدا يەنە ، ئامېرىكىنىڭ ھازىرقى ۋەزىيەتتىن نارازى بولۇۋاتقانلىقى ئوتتۇرىغا چىققان بولۇپ، خىتايدىكى تەيۋەن ئىشلىرى ئىشخانىسى باياناتچىسىنىڭ تەكىتلىشىچە، چېن شۈيبيەننىڭ ب د ت غا ئەزا بولۇش ئۈچۈن راي سىناش ئېلىپ بېرىشتىكى مەقسىدى، ئىككى قىرغاق مۇناسىۋىتىگە بۇزغۇنچىلىق قىلىشتىن ئىبارەت ئىكەن.

خىتاي ، تەيۋەننىڭ بىرلەشكەن دۆلەتلەر تەشكىلاتىغا ئەزا بولۇشىغا ئىزچىل تۈردە قارشى تۇرۇپ كەلدى، بولۇپمۇ تەيۋەندە كېلەر يىلى ئېلىپ بېرىلىدىغان سايلامنى ، تەيۋەن مۈستەقىللىقىنى تەرغىپ قىلىشنىڭ ئىپادىسى دەپ قارىماقتا. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.