Чен шүйбйән : тәйвән бирләшкән дөләтләр тәшкилатиға әза болушқа тамамән һәқлиқ


2007.09.11
Share on WhatsApp
Share on WhatsApp

Хитай тәйвәнниң бирләшкән дөләтләр тәшкилатиға әза болуш тәлипигә қаршилиқ билдүрүватқан бир пәйттә , тәйвән президенти чен шүйбйән йәнә бир қетим баянат елан қилип, тәйвәнниң бирләшкән дөләтләр тәшкилатиға әза болушқа тамамән һәқлиқ икәнликини билдүрди.

Тәйвән мәркизи агентлиқи дүшәнбә күни, президент чен шүйбйәнниң сөзини нәқил кәлтүрүп, тәйвән тоғра нам қоллиниши, асасий қанун тикләш арқилиқ бирләшкән дөләтләр тәшкилатиға әза болуши шуниң билән биргә йеңи вә мустәқил бир дөләткә айлиниши керәк ," деди.

Чен шүйбйән сөзидә йәнә , келәр йили 3 ‏- айда өткүзүлидиған тәйвән президент сайлими билән тәйвәнниң бирләшкән дөләтләр тәшкилатиға әза болуш тәлипи үстидә хәлқ райини синашни бирликтә елип беришни үмид қилидиғанлиқини тәкитлиди.

Америка бирләшмә агентлиқиниң сәйшәнбә күни бәргән хәвиригә қариғанда, тәйвәнниң бирләшкән дөләтләр тәшкилатиға әза болуш пилани, тәйвән билән хитай мунасивитиниң җиддийлишишигә сәвәб болмақта. Бу арида йәнә , америкиниң һазирқи вәзийәттин нарази болуватқанлиқи оттуриға чиққан болуп, хитайдики тәйвән ишлири ишханиси баянатчисиниң тәкитлишичә, чен шүйбйәнниң б д т ға әза болуш үчүн рай синаш елип бериштики мәқсиди, икки қирғақ мунасивитигә бузғунчилиқ қилиштин ибарәт икән.

Хитай , тәйвәнниң бирләшкән дөләтләр тәшкилатиға әза болушиға изчил түрдә қарши туруп кәлди, болупму тәйвәндә келәр йили елип берилидиған сайламни , тәйвән мүстәқиллиқини тәрғип қилишниң ипадиси дәп қаримақта. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт