Chén shüybyen : teywen birleshken döletler teshkilatigha eza bolushqa tamamen heqliq


2007-09-11
Share

Xitay teywenning birleshken döletler teshkilatigha eza bolush telipige qarshiliq bildürüwatqan bir peytte , teywen prézidénti chén shüybyen yene bir qétim bayanat élan qilip, teywenning birleshken döletler teshkilatigha eza bolushqa tamamen heqliq ikenlikini bildürdi.

Teywen merkizi agéntliqi düshenbe küni, prézidént chén shüybyenning sözini neqil keltürüp, teywen toghra nam qollinishi, asasiy qanun tiklesh arqiliq birleshken döletler teshkilatigha eza bolushi shuning bilen birge yéngi we musteqil bir döletke aylinishi kérek ," dédi.

Chén shüybyen sözide yene , kéler yili 3 ‏- ayda ötküzülidighan teywen prézidént saylimi bilen teywenning birleshken döletler teshkilatigha eza bolush telipi üstide xelq rayini sinashni birlikte élip bérishni ümid qilidighanliqini tekitlidi.

Amérika birleshme agéntliqining seyshenbe küni bergen xewirige qarighanda, teywenning birleshken döletler teshkilatigha eza bolush pilani, teywen bilen xitay munasiwitining jiddiylishishige seweb bolmaqta. Bu arida yene , amérikining hazirqi weziyettin narazi boluwatqanliqi otturigha chiqqan bolup, xitaydiki teywen ishliri ishxanisi bayanatchisining tekitlishiche, chén shüybyenning b d t gha eza bolush üchün ray sinash élip bérishtiki meqsidi, ikki qirghaq munasiwitige buzghunchiliq qilishtin ibaret iken.

Xitay , teywenning birleshken döletler teshkilatigha eza bolushigha izchil türde qarshi turup keldi, bolupmu teywende kéler yili élip bérilidighan saylamni , teywen müsteqilliqini terghip qilishning ipadisi dep qarimaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet