Teywen b d t gha eza bolush mesilisi heqqide xelq'ara sotqa erz sunushni oylashmaqta


2007-09-19
Share

Teywenning b d t gha eza bolush iltimasi kéler bir nechche kün ichide b d t ning yilliq omum yighinida muzakire qilinmaqchi. Mulahizichilerning perez qilishiche, bu qétim yene ret qilinish éhtimali yoq emes.

Birleshme agéntliqining bayan qilishiche, buningdin burun, teywenning b d t gha eza bolush iltimasini 24 dölet qollighan bolsimu, emma b d t ning bash katibi ban kimun "b d t de 1971 ‏- yili maqullan'ghan béyjingdiki jungxu'a xelq jumhuryitige orun bérish toghrisidiki qarargha asaslan'ghanda, teywenning b d t gha eza bolup kirish iltimasi qobul qilinmaydu" dep ret qilghan idi.

Fransiye agéntliqning 19 ‏- séntebir küni teybéydin xewer qilishiche, teywen b d t gha eza bolush mesilisi heqqide xelq'ara sotqa erz yollashni oylashmaqta. Teywende chiqidighan 'xitay waqit géziti' de bayan qilinishiche, déngiz qaraqchiliqi déloliri buyiche tonulghan adwokat sung yawming ependi 'xelq'ara sot dölet mesilisini bir terep qilishta, aldi bilen erz sun'ghuchining 'dölet' yaki emeslikige qaraydu.

Eger xelq'ara sot teywenni bir 'dölet' emes dep qarisa, teywenning erzi aqmasliqi mumkin. Eger bu mesile emeliy pakitqa asasen qaralsa, haman bir küni teywenning sotta utup chiqish éhtimalliqi bar. Bu xelq'ara weziyet yaritip béridighan paydiliq shara'itqimu baghliq' dégen. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet