Teywen b d t ezaliqi üchün üzlüksiz tirishidighanliqini jakarlidi


2007-09-20
Share

B d t omumi ishlar komitéti charshenbe küni teywenning b d t gha eza bolush telipini bu nöwetlik b d t omum yighinining muzakire küntertipige kirgüzüshni ret qilghandin kéyin, teywen boghuzining ikki qirghiqidiki da'iriler peyshenbe küni bu mesilige inkas qayturdi.

Teywen tashqi ishlar ministirliqining bayanatchisi wang jyenyé, peyshenbe küni muxbirlargha teywenning b d t gha eza bolush telipi bu qétim yene ret qilin'ghan bolsimu, lékin teywen b d t gha eza bolush tirishichanliqidin waz kechmeydu, dep körsetti. Wang jyenyining eskertishiche, teywen b d t gha eza bolush telipining ongushsizliqqa uchrighanliqidin epsuslansimu, lékin bu weqe dunya jama'etchilikining diqqitini qozghap, teywenni dunyagha namayen qilish rolini oynighan.

Teywenning b d t gha eza bolush iltimasi charshenbe küni b d t omumi ishlar komitétida muzakire qilin'ghanda xitay bilen misirning qarshi chiqishi sewebidin, teywenning iltimasini b d t omum yighinining küntertipige élish ret qilindi. Xitay tashqi ishlar ministirliqi peyshenbe küni bayanat élan qilip,"b d t nizamnamisi we b d t omumi qurultiyining 2753 -nomurluq qararigha xilap her qandaq heriket, b d t ezalirining qollishigha érishelmeydu. Bir junggo prinsipigha buzghunchiliq qilidighan, junggoni parchilaydighan urunushlar emelge ashmaydu, dep körsetti.

Bu teywenning b d t gha eza bolush iltimasining 15 - qétim ret qilinishi bolup hésablinidu. Teywenning sun'ghan bu yilqi iltimasi, prézidént chén shüybyen teywenning b d t gha jungxu'a min'go, dégen nam bilen emes, teywen, dégen isim bilen kirishni omum xelq awazigha qoymaqchi boluwatqan mezgilge toghra keldi. Bu xitay bilen teywen arisidiki sürkilishni jiddiyleshtüriwetken idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet