Teywen dölet bayrimida yéngi bashqurulidighan bombisini körsetmekchi


2007-10-08
Share

Teywen bu yilliq dölet bayrimida özi tetqiq qilip yasap chiqqan ikki xil bashqurulidighan bombini tunji qétim parattin ötküzüp, reqibi xitaygha teywenning herbiy küchini namayan qilmaqchi.

Fransiye agéntliqi xewiride, teywen dölet mudapi'e ministiri li tyenyüning éytqanlirini neqil élip körsitishiche, teywen 10 - öktebir charshenbe küni ötküzülidighan dölet bayrimida , awazdin tiz uchidighan shyungféng3 (dehshetlik boran) tipliq bashqurulidighan bomba we tyenkung ( kök qehri) 3 tipliq bashqurulidighan bombigha qarshi qoyup bérilidighan ilghar tiptiki qorallirini parattin ötküzmekchi iken.

Li mundaq dédi: " qorallarni mundaq shekilde körgezme qilish bir xil tehdit sélish roligha ige bolup, shundila xitay kommunistliri teywenningmu bosh emeslikini körüp yétidu".

Teywen prézidénti chén shüybyen, xitay terep 1000 danidin artuq bashqurulidighan bombilirini teywen'ge qaritip tizip qoyup teywenni bi'aram qildi, dep xitay hökümitini eyiblep kéliwatqan bolup, bu nöwetlik teywen dölet bayrimida parattin ötküzülidighan bashqurulidighan bombilar béyjing terepke teywenning herbiy küchige sel qarashqa bolmaydighanliqini körsitip qoyush iken.

Melum bolushiche, shyungféng3 tipliq bashqurulidighan bomba köp xil yéteklesh sistémisigha mas kélidighan bolup, urush paraxotigha qarshi, yer yüzidiki nishanlargha qarshi we radar eslihelirige qarshi ishletkili bolidiken.

Mezkur bombining étish musapisi 130 kilométir bolup, teywen dölet mudapi'e téxnologiyisi ayliq zhurnilining muherriri chang litiyning fransiye agéntliqigha bildürüshiche, shyungféng3 nishan'gha nahayiti tiz hujum qilghachqa radarda bayqash intayin qiyin iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet