Тәйвәндә сиясий җинайәтчиләр түрмиси кишлик һоқуқ бағчисиға өзгәртилди


2007-12-10
Share

Тәйвән һөкүмити 10- декабирдики кишилик һоқуқ күнини тәбрикләш мунасивити билән, илгири сиясий җинайәтчиләр вә идеологийә саһәсидики өктичиләр қамалған һәрбий сотниң башқурушидики "җиң мей тутуп туруш орни " ни "тәйвән кишилик һоқуқ бағчиси" дәп өзгәртти.

Б б с да көрситилишичә, мәзкур түрмә бурун җаң кәйши тәйвәнгә киргәндин буян йүргүзгән һәрбий һаләт дәвридә дөләт мудапиә миниситрлиқиға тәвә җай болуп, һазирқи тәйвәнниң муавин президенти лү шюлйән вә башқа тәйвән сиясий сәһнисидә паал һәрикәт елип барған бир қисм шәхисләр қамалған җай.

Мәлум болушичә, президент чен шүйбйән вә муавин президент лү шюлйән қатарлиқлар мәзкур бағчиниң ечилиш мурасимиға риясәтчилик қилған болуп, мурасимға илгири мушу түрмигә қамалған сиясий җинайәтчиләр вә хәлқара кәчүрүм тәшкилатиниң әзалири қатнашқан.

Хәвәрдә көрситилишичә, гәрчә чен шүйбйән бу түрмигә қамилип бақмиған болсиму, әмма бу түрмигә ташланған җинайәтчиләрниң ақлиғучи адвокати болуп ишлигән икән.

Чен шүйбйәнниң билдүрүшичә, бу орун униңға илһам беғишлайдиған болуп, һазир тәйвән һөкүмити бу орунниң әсли қияпитини сақлап қалған асаста ремонт қилип, һәр түрлүк көргәзмә вә зиярәт орунлирини тәсис қилидикән, кәлгүсидә бу җай кишилик һоқуқ тәрбийиси елип баридиған яхши дәрсхана болуп қалидикән һәмдә кишиләрни миң бир мушәққәттә аран қолға кәлгән демократийә вә әркинликиниң қәдригә йетишкә йетәкләйдикән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт