Teywende siyasiy jinayetchiler türmisi kishlik hoquq baghchisigha özgertildi


2007-12-10
Share

Teywen hökümiti 10- dékabirdiki kishilik hoquq künini tebriklesh munasiwiti bilen, ilgiri siyasiy jinayetchiler we idé'ologiye sahesidiki öktichiler qamalghan herbiy sotning bashqurushidiki "jing méy tutup turush orni " ni "teywen kishilik hoquq baghchisi" dep özgertti.

B b s da körsitilishiche, mezkur türme burun jang keyshi teywen'ge kirgendin buyan yürgüzgen herbiy halet dewride dölet mudapi'e minisitrliqigha tewe jay bolup, hazirqi teywenning mu'awin prézidénti lü shyulyen we bashqa teywen siyasiy sehniside pa'al heriket élip barghan bir qism shexisler qamalghan jay.

Melum bolushiche, prézidént chén shüybyen we mu'awin prézidént lü shyulyen qatarliqlar mezkur baghchining échilish murasimigha riyasetchilik qilghan bolup, murasimgha ilgiri mushu türmige qamalghan siyasiy jinayetchiler we xelq'ara kechürüm teshkilatining ezaliri qatnashqan.

Xewerde körsitilishiche, gerche chén shüybyen bu türmige qamilip baqmighan bolsimu, emma bu türmige tashlan'ghan jinayetchilerning aqlighuchi adwokati bolup ishligen iken.

Chén shüybyenning bildürüshiche, bu orun uninggha ilham béghishlaydighan bolup, hazir teywen hökümiti bu orunning esli qiyapitini saqlap qalghan asasta rémont qilip, her türlük körgezme we ziyaret orunlirini tesis qilidiken, kelgüside bu jay kishilik hoquq terbiyisi élip baridighan yaxshi dersxana bolup qalidiken hemde kishilerni ming bir musheqqette aran qolgha kelgen démokratiye we erkinlikining qedrige yétishke yétekleydiken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet