Тәйвәндә җаң кәйши хатирә сарийи ниң нами тәйвән демократийә хатирә сарийи ға өзгәртилди


2007-05-09
Share

5 ‏- Айниң 9 ‏- күни, тәйвән мәмурий палатасида қанун мақуллинип 'җаң кәйши хатирә сарийи' ниң нами 'тәйвән демократийә хатирә сарийи' дәп өзгәртилди.

'Франсийә агентлиқи'ниң тәйбейдин хәвәр қилишичә, тәйвән мәмурий палатасида мақулланған 'җаң кәйши хатирә сарийини бир тәрәп қилиш низами' ға асасланғанда, 'җаң кәйши хатирә сарийи' ниң нам бәлгиси 'тәйвән демократийә хатирә сарийи' ға өзгәртилгәндин кейин, алтә айғичә асарә-әтиқиләрни бекитиш -рәтләш иши елип берилип, униңдики һәйкәл, нәқиш, беғишлима, йезилма қатарлиқ һәрхил буюмлар илмий қаидә буйичә бир тәрәп қилиниду.

Чоң қуруқлуқта коммунистик партийә тәрипидин мәғлуп қилинған җаң кәйши гуруһи 1947 ‏- йилидин башлап тәйвән арилида һәрбий һаләт йүргүзүп, 'йигирмә сәккизинчи феврал вәқәси' дейилгән бир вәқәдила 28 миң йәрлик хәлқни қирип ташлап, тәйвән арилидики йәрлик хәлқни җаң кәйшидин ибарәт бу мустәбиткә чуқунушқа мәҗбурлап кәлгән иди.

Һазир тәйвәнниң маарип саһәсидила 40 миңдин артуқ җаң кәйши һәйкили мәвҗут. Тәйвән хәлқи буни йәрлик хәлққә вә демократийигә қилинған һақарәт дәп һесаблайду. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт