Teywende jang keyshi xatire sariyi ning nami teywen démokratiye xatire sariyi gha özgertildi


2007.05.09

5 ‏- Ayning 9 ‏- küni, teywen memuriy palatasida qanun maqullinip 'jang keyshi xatire sariyi' ning nami 'teywen démokratiye xatire sariyi' dep özgertildi.

'Fransiye agéntliqi'ning teybéydin xewer qilishiche, teywen memuriy palatasida maqullan'ghan 'jang keyshi xatire sariyini bir terep qilish nizami' gha asaslan'ghanda, 'jang keyshi xatire sariyi' ning nam belgisi 'teywen démokratiye xatire sariyi' gha özgertilgendin kéyin, alte ayghiche asare-etiqilerni békitish -retlesh ishi élip bérilip, uningdiki heykel, neqish, béghishlima, yézilma qatarliq herxil buyumlar ilmiy qa'ide buyiche bir terep qilinidu.

Chong quruqluqta kommunistik partiye teripidin meghlup qilin'ghan jang keyshi guruhi 1947 ‏- yilidin bashlap teywen arilida herbiy halet yürgüzüp, 'yigirme sekkizinchi féwral weqesi' déyilgen bir weqedila 28 ming yerlik xelqni qirip tashlap, teywen arilidiki yerlik xelqni jang keyshidin ibaret bu mustebitke chuqunushqa mejburlap kelgen idi.

Hazir teywenning ma'arip sahesidila 40 mingdin artuq jang keyshi heykili mewjut. Teywen xelqi buni yerlik xelqqe we démokratiyige qilin'ghan haqaret dep hésablaydu. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.