Тәйвән демократийә вә тәрәққият партийиси тәйвәнниң рәсимий исимини өзгәртишни қарар қилди


2007-08-30
Share

Тәйвән демократийә вә тәрәққият партийиси пәйшәнбә күни, тәйвәнниң рәсимий исмини өзгәртиш вә йеңи бир асасий қанун түзүп чиқиш тоғрисида қарар лайиһиси қобул қилди.

Америка бирләшмә агентлиқиниң тәйбейдин хәвәр қилишичә, мәзкур қарар лайиһисидә" тәйвән, рәсмий исими болған ' җуңхуа минго ' дегән аталғуни бикар қилип, 1947 ‏- йили гоминдаң һөкүмити тәрипидин қобул қилинған асасий қанунниң орниға йеңи бир асасй қанун түзүп чиқиши керәк" дейилгән.

Хитай рәһбәрлири 2000‏- йилидин бери, йәни тәйвән президенти чин шүйбйәнниң демократийә вә тәрәққият партийиси һакимийәт бешиға кәлгәндин бери, мәзкур партийини тәйвәндә бөлгүнчилик сиясити елип бармақта дәп әйибләп, тәйвән рәһбәрлирини мустәқиллиқни риғбәтләндүрмәслик тоғрисида агаһландуруп кәлмәктә.

Сиясий мулаһизичиләр, хитай һөкүмити, тәйвән демократийә вә тәрәққият партийси тәрипидин қобул қилинған қарар лайиһисини, мәзкур партийииниң тәйвәнниң мустәқиллиқи йолида басқан йеңи бир қәдими дәп қарайдиғанлиқини билдүрмәктә. Уларниң ейтишичә, бу қарар лайиһиси тәйвән боғузида мәвҗут мурәккәп вәзийәтни техиму кәскинләштүридикән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.