Teywen démokratiye we tereqqiyat partiyisi teywenning resimiy isimini özgertishni qarar qildi

Teywen démokratiye we tereqqiyat partiyisi peyshenbe küni, teywenning resimiy ismini özgertish we yéngi bir asasiy qanun tüzüp chiqish toghrisida qarar layihisi qobul qildi.

Amérika birleshme agéntliqining teybéydin xewer qilishiche, mezkur qarar layihiside" teywen, resmiy isimi bolghan ' jungxu'a min'go ' dégen atalghuni bikar qilip, 1947 ‏- yili gomindang hökümiti teripidin qobul qilin'ghan asasiy qanunning ornigha yéngi bir asasy qanun tüzüp chiqishi kérek" déyilgen.

Xitay rehberliri 2000‏- yilidin béri, yeni teywen prézidénti chin shüybyenning démokratiye we tereqqiyat partiyisi hakimiyet béshigha kelgendin béri, mezkur partiyini teywende bölgünchilik siyasiti élip barmaqta dep eyiblep, teywen rehberlirini musteqilliqni righbetlendürmeslik toghrisida agahlandurup kelmekte.

Siyasiy mulahizichiler, xitay hökümiti, teywen démokratiye we tereqqiyat partiysi teripidin qobul qilin'ghan qarar layihisini, mezkur partiyi'ining teywenning musteqilliqi yolida basqan yéngi bir qedimi dep qaraydighanliqini bildürmekte. Ularning éytishiche, bu qarar layihisi teywen boghuzida mewjut murekkep weziyetni téximu keskinleshtüridiken. (Ömer qanat)