Хитай, тәйвән демократийә -илғарлиқ партийисиниң мустәқиллиқни тәстиқлиғучи қарарнамисини қаттиқ тәнқидлиди


2007.10.02

Бирләшмә агентлиқиниң 2 ‏- өктәбир хәвәр қилишичә, хитай коммунист партийисиниң тәйвән ишлириға мәсул бир хадими пикир баян қилип, йәкшәнбә күни тәйвән демократийә вә илғарлиқ партийисиниң қурултийида мақулланған , тәйвән мустәқиллиқини тәстиқлиғучи қарарнамини қаттиқ тәнқидлигән. У тәнқидидә, тәйвәнниң хитайниң айрилмас бир парчиси икәнликини , тәйвәнниң һәрқандақ бир шәкилдики бөлүнүш һәрикәтлиригә қаттиқ қарши туридиғанлиқини билдүргән. Буниң билән биллә, тәйвән демократийә-илғарлиқ партийисиниң рәһбәрлирини агаһландуруп тәйвән хәлқини хәвп-хәтәргә иттирмәсликкә үндигән.

Тәйвән демократийә -илғарлиқ партийисиниң қарарнамисида, "хитай җумһурийити" дегән нам тәләппуз қилинмиған , униң үстигә, қурултайда хитай җумһурийити дегән намниң орниға тәйвән нами қоллинилған йеңи асасий қанунни әң қисқа вақит ичидә йолға қоюш лайиһиси мақуллуқтин өткән. Көзәткүчиләр мәзкур қарарни тәйвән мустәқиллиқи үчүн бесилған муһим бир қәдәм дәп қарашмақта.

Хитай тәрәпниң бу тәнқиди, хитайдики һөкүмәт тор бәтлири вә башқа ахбарат вастилирида кәң орун алған. Күзәткүчиләр, бу әһвал хитайниң мәзкур қарарниң кәлгүси нәтиҗилиригә қарита сәзгүр позитсийисини көрситиду дәп қарашмақта. (Шөһрәт һошур)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.