Amérika dölet mejlisi ezalirining teywenni qollash herikiti


2007.11.10
Share on WhatsApp
Share on WhatsApp

Amérika dölet mejlisi awam palatasining 19 ezasi, dölet mejlisige teywenning b d t gha eza bolush herikitini qollash heqqide bir qanun layihisi sun'ghan.

Peyshenbe küni, amérika dölet mejlisining 18 jumhuriyetchi partiyisi we bir démokrat partiyisi eza teripidin, amérika dölet mejlisi tashqi ishlar komitétigha sunulghan qanun layihiside, "teywen we uning 23 milyon ahalisining b d t gha eza bolush hoquqi bar. Shunga amérika hökümiti teywenning munasiwetlik xelq'araliq teshkilatlargha eza bolush herikitini qollash arqiliq, özining wezipisini orundishi kérek" déyilgen.

Teywen hökümiti, amérika dölet mejlisi ezaliri teripidin sunulghan qanun layihisini qizghin qarshi alidighanliqini tekitlep, prézidént bush hökümitining teywen'ge qaratqan siyasitide, dölet mejlisi ezalirining teleplirini diqqetke élishini ümid qilidighanliqini bildürdi. Siyasiy mulahizichiler, amérika dölet mejlisi ezalirining bu teshebbusi xitay hökümitini téximu bi'aram qilishi mumkin, déyishmekte.

Köpchilikke melum bolghandek, prézidént bush hökümiti, teywen prézidénti chin shüybiyenning, teywende kéler yili ötküzülmekchi bolghan prézidént saylimi bilen birlikte, teywenning b d t gha eza bolushi mesilside xelq rayini sinash élip bérish qararigha qarshi chiqmaqta.

Xitay hökümiti, chin shüybiyenning bu qararini teywenning musteqilliqi yolida tashlan'ghan yéngi bir qedem dep qarimaqta. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.