Teywen da'iriliri birleshken döletler teshkilatigha eza bolush üchün omum xelq awaz qoyush pilanidin waz kechmidi


2007.06.20
Share on WhatsApp
Share on WhatsApp

Teywen prézidénti chén shuybyen 6 ‏- ayning 18 ‏- küni amérika wekiller ömikige, teywende 2008 ‏- yili élip bérilidighan prézidént saylimi üchün teywenning birleshken döletler teshkilatigha kirishi toghrisida omum xelq awaz qoyup qarar qilishni muhim shert qilidighanliqini bildürgendin kéyin, amérika tashqi ishlar ministirliqining bayanatchisi mikormak ependi 19 ‏- iyon küni, amérika izchil halda 'bir junggo' siyasitini ijra qilidighanliqini, gerche muwapiq waqitta teywenning bezi xelq'araliq teshkilatlargha kirishini qollisimu, emma teywenning bir igilik hoquqi bar dölet süpitide kirishini qollimaydighanliqini jakarlighan idi.

Fransiye agéntliqining 20 ‏- iyon küni xewer qilishiche, teywen da'iriliri birleshken döletler teshkilatigha teywen dégen nam bilen kirish toghrisida omum xelq awaz qoyush pikridin yanmighan. Ular teywenning bir démokratik dölet ikenlikini, teywenning ishini teywen xelqi özi belgileydighanliqini tekitlep, bu pilanini bu yil 9 ‏- ayda yolgha qoyidighanliqini jakarlighan.

Merkizi agéntliqining xewer qilishiche, teywende hoquq tutuwatqan démokratiye- ilgharliq partiyisi 20 ‏- iyon küni ' ray sinash netijisige qarighanda, hazir teywende % 70 xelq teywenning birleshken döletler teshkilatigha eza bolup kirishini qollaydu, hetta gomindangchilarningmu % 53 i buni qollaydu' dep jakarlighan.

Teywen bilen chong quruqluq 1949 ‏- yili ikkige bölünüp ketken, teywendiki gomindang hökümiti bolsa 1971 ‏- yili birleshken döletler teshkilatidiki ornini yoqatqan idi. Xitay kommunist hökümiti teywen'ge qarita orunlashturghan bashqurulidighan bomba sanini 1996 ‏- yilidiki 160 din hazir 1000 gha yetküzgen. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.