Amérika teywen musteqilliqini qollimaymiz, dédi

Teywen prézidénti chén shüybyen, yekshenbe küni teywen zéminini qayta békitish mesilisi üstide toxtalghandin kéyin, amérika tashqi ishlar ministirliqi düshenbe küni amérika teywen musteqilliqini qollimaydu, dep körsetti we teywen boghuzining hazirqi halitini bir tereplimilik özgertishke qarshi turidighanliqini bildürdi.

Amérika tashqi ishlar ministirliqi bayanatchisi tam keyséy, amérika prézidént chén shüybyenning asasiy qanun islahati igilik hoquq mesilisige chétilmaydighanliqi toghrisidiki wedisige estayidil mu'amile qilidu, dep tekitligen. Keyséyning eskertishiche, amérikining bu mu'amilisi teywenning zémin chégrisini ayrish mesilisini öz ichige alidiken.

Prézidént chén shüybyen yekshenbe küni teywen zémin chégrisini ayrishning zörür yaki emesliki üstide qayta oyliship, xitay chong quruqluqigha tewe emeslikidin ibaret bu ri'alliqni ipadilesh kérek, dep tekitligen idi.

Teywenning hazirqi asasiy qanunida "jungxu'a min'go" chégrisi xitay chong quruqluqini öz ichige alghan. Xitay da'iriliri teywen musteqilliq jakarlisa, uninggha herbiy hujum qozghaydighanliqini agahlandurmaqta. (Erkin)