Teywende minglighan kishi musteqilliqini qollap namayish ötküzdi


2007-09-08
Share

Shenbe küni teywenning paytexti teybi shehiride, minglighan kishi, teywen prézidénti chin shüybiyenning, teywenni qaytidin b d t gha eza qilish herikitini qollap, namayish ötküzdi.

Fransiye agéntliqining xewer qilishiche, hakimiyet béshidiki teywen démokratiye we tereqqiyat partiyisining rehbiri yü shi kün namayishta söz qilip, hökümitining teywenni, teywen jumhuriyiti nami bilen qaytidin b d t gha eza qilish üchün bashlatqan herikitini dawamlashturudighanliqini tekitligen.

Amérika prézidénti jurj bush we xitay dölet re'isi xujintaw, peyshenbe küni asiya-tinch okyan iqtisadiy hemkarliq teshkilati dölet bashliqliri yighini harpisida, awstraliyining sidny shehiride élip barghan söhbettin kéyin, teywen hökümitining b d t gha eza bolush pilanini, rayonda xeterlik bir weziyetning kélip chiqishigha seweb bolidighan bir pilan dep körsetken idi.

Lékin teywen prézidénti chin shüybiyen, xitay we amérikining agahlandurushlirigha qarimay, teywende ötküzülidighan prézidént saylimi bilen birlikte teywenning b d t gha eza bolushi mesilside ray sinash élip bérish pilanini choqum emelge ashurudighanliqini tekitlidi.

Amérika prézidénti jurj bushning teywenning b d t gha eza bolush pilani heqqide qilghan sözliri, nurghunlighan teywenlikni ghezeblendürgen bolup, shenbe küni, amérikining teybidiki ishxanisi aldida ötküzülgen namayishta, teywen saqchiliri bilen amérikining teywenning musteqilliqi mesilisidiki meydanigha narazi bolghan namayishchilar otturisida toqunushlar yüz bergen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet