Америка һөкүмити, ма йеңҗениң вашингтонни зиярәт қилиш тәлипини музакирә қилмақта


2008.03.29

Америка һөкүмити җүмә күни, йеқинда тәйвәндә елип берилған президент сайлимида, тәйвән президент вәзиписигә сайланған, ма йеңҗениң президент вәзиписини тапшурувелиштин бурун вашингтонни зиярәт қилип , америка һөкүмәт әрбаблири билән көрүшүш, тәлипини, музакирә қиливатқанлиқини билдүрди.

Көпчиликкә мәлум болғандәк, ма йеңҗи хитай билән тәйвән оттурисида мәвҗут җиддий әһвални юмшитидиғанлиқини вә хитай билән сода мунасивәтлирини техиму тәрәққий қилдурудиғанлиқини, баян қилмақта.

Америка ташқи ишлар минстирликиниң баянатчиси шун маккорниң, җүмә күни мухбирларға бәргән баянатида, ма йеңҗи 20 - майдин бурун йәни тәйвән президент вәзиписини рәсмий тапшурувелиштин бурун, америкини зиярәт қилиш арзусини учуқ баян қилди. Биз у ниң тәлипи үстидә музакирә елип бериватимиз, дегән.

Гәрчә, америка һөкүмити, 1979 - йилидин бери,йәни бейҗиң билән рәсмий дипломатийә мунасивити орнатқандин кейин, бир җоңгу принсипини қобул қилған болсиму, лекин тәйвән билән болған йеқин алақисини давамлаштуруп, өзини қоғдиши үчүн тәйвәнни һәр хел қорал-ярақлар билән тәминлимәктә.

Вашингтонни нөвәттә тәйвәнгә қаратқан сиясити, тәйвән президентлириниң америкини зиярәт қилишини чәклимәктә. Тәйвән президент вәзиписигә сайланған ма йеңҗе 2006 - йили йәни тәйби шәһәр башлиқи вәзиписини өтәватқан мәзгилдә, вашингтонни зиярәт қилған иди. (Өмәр қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.