Teywen prézidénti chén shüybyenning amérikida toxtap ötüshi xitayning chishigha tégishi mümkin


2007-08-13
Share

Bir neper amérika hökümet xadimi, amérika hökümitining, kéler hepte latin amérikisida ziyarette bolidighan teywen prézidénti chén shüybyenning , alyaska shtatida toxtap ötüshige yol qoyidighanliqini jakarlighan.

Teywen'ge jaylashqan amérika institutining bayanatchisi tomas xogés, chén shüybyenning amérikida toxtap ötüshini: " bular peqet prézidént chénning ottura amérika sepirige qulayliq yaritip bérish üchün, orunlashturulghan" dédi we prézidént chénning bu qétim amérikida toxtap ötüshi naresmiy bolup , uning peqet shexsi ish ikenlikni qoshumche qildi.

Amérikining bu orunlashturushi, xitayning chishigha tégishi mümkin bolup, mutexessislerning körsitishiche, chén shüybyen üchün élip éytqandimu uning amérikida toxtap ötüdighan jayning , amérikinng bashqa yérige emes belki, alyaskigha orunlashturulushi, anche bir xushallinarliq ish emes iken.

Mushu ayning 20 - künliri teywen prézidénti chén shüybyen, özining ottura amérika boynigha jaylashqan xonduras we dominika jumhuriyitide élip bérilidighan , teywen-ottura amérika döletliri yuqiri derijilik emeldarliri uchrishishigha bérish sepiride alyaska shtatida toxtap ötidiken.

Melum bolushiche, amérika qoshma shtatliri chén shüybyenning 10 künlük ottura amérika döletliri ziyariti ayaghlashqandin kiyin, uning qaytish sepiride yene alyaska shtatida toxtap ötüshni orunlashturghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet