Тәйвән муһит мәсилсидә хитайға ярдәм беришкә тәйяр

Җүмә күни, тәйвән муһитни қоғдаш минстири винстон даң, хитай карханилиридин тәйвән боғизиға еқиватқан булғанған су вә әхләтләр тәйвәнниң муһитини булғап, тәйвән аһалисиниң саламәтликигә тәһдит қилмақта, деди.

Бу һәптә ичидә, вашнгтонда америка муһитни қоғдаш идарисиниң алий дәриҗилик хадимлири билән учрашқан тәйвән муһитни қоғдаш минстири, мухбирларға бәргән баянатида, хитай даирилириниң 2008‏-йили 8 ‏‏- авғуст күнигә қәдәр йәни бейҗиң олимпик тәнһәрикәт йиғини башлиғанға қәдәр, муһитни тазилап болидиғанлиқиға гуман билән қарайдиғанлиқини билдүргән.

Тәйвән муһитни қоғдаш минстири даң, тәйвәнниң муһитни қоғдаш мәсилсидә дунядики әң илғар дөләтләрниң бири икәнликини тәкитләп, хитай һөкүмитини тәйвәнниң муһитни қоғдаш саһәсидә қолға кәлтүргән нәтиҗилиридин үгүнүшкә чақирди.

Америка бирләшмә агентлиқиниң хәвәр қилишичә, у йәнә мундақ дегән " биз бу мәсилидә хитайға ярдәм беришкә тәйяр. Хитай һөкүмити бу мәсилиниң хәлқаралиқ бир мәсилә икәнликини билиши керәк". Лекин сиясий мулаһизичиләр, бейҗиң һөкүмити, тәйвәнни хитайниң бир қисими дәп қарап, униң хәлқара тәшкилатларға әза болушиға қәтий қарши турудиғанлиқи үчүн, тәйвәнниң муһитни қоғдаш мәсилисидики ярдәм тәклипини қобул қилиши мумкин әмәс, дейишмәктә. (Өмәр қанат)