Teywen muhit mesilside xitaygha yardem bérishke teyyar

Jüme küni, teywen muhitni qoghdash minstiri winston dang, xitay karxaniliridin teywen boghizigha éqiwatqan bulghan'ghan su we exletler teywenning muhitini bulghap, teywen ahalisining salametlikige tehdit qilmaqta, dédi.

Bu hepte ichide, washn'gtonda amérika muhitni qoghdash idarisining aliy derijilik xadimliri bilen uchrashqan teywen muhitni qoghdash minstiri, muxbirlargha bergen bayanatida, xitay da'irilirining 2008‏-yili 8 ‏‏- awghust künige qeder yeni béyjing olimpik tenheriket yighini bashlighan'gha qeder, muhitni tazilap bolidighanliqigha guman bilen qaraydighanliqini bildürgen.

Teywen muhitni qoghdash minstiri dang, teywenning muhitni qoghdash mesilside dunyadiki eng ilghar döletlerning biri ikenlikini tekitlep, xitay hökümitini teywenning muhitni qoghdash saheside qolgha keltürgen netijiliridin ügünüshke chaqirdi.

Amérika birleshme agéntliqining xewer qilishiche, u yene mundaq dégen " biz bu mesilide xitaygha yardem bérishke teyyar. Xitay hökümiti bu mesilining xelq'araliq bir mesile ikenlikini bilishi kérek". Lékin siyasiy mulahizichiler, béyjing hökümiti, teywenni xitayning bir qisimi dep qarap, uning xelq'ara teshkilatlargha eza bolushigha qet'iy qarshi turudighanliqi üchün, teywenning muhitni qoghdash mesilisidiki yardem teklipini qobul qilishi mumkin emes, déyishmekte. (Ömer qanat)