Teywen tashqi ishlar ministiri: " teywen bir musteqil dölet"

Xu'ang jifang birleshme agéntliqigha: "teywen pütünley bir musteqil dölet. Soda jehettin élip éytqandimu teywen dunya boyiche 16- orunda turidighan chong dölettur" dédi.

U yene: " bir chet dölet xadimining éytqanliri teywenning dölet ornini özgertelmeydu hemde bundaq bahalarmu "mentiqisiz" dep qoshumche qildi.

30-Awghust peyshenbe küni, amérika aqsaray dölet bixeterliki meslihetchisi, asiya ishliri diréktori dénnis wildér teywenning birleshken döletler teshkilatigha eza bolup kirish üchün élip barmaqchi bolghan omum xelq ray sinash herikitini " chüshiniksiz" dep süretligen hemde buning rayon xaraktérlik munasiwetlerde jiddiychilik peyda qilidighanliqini otturigha qoyghan we " birleshken döletler teshkilatigha eza bolup kirish bir musteqil dölet orni telep qilidighan ish. Teywen, jungxu'a min'go (xitay jumhuriyiti), xelq'ara jem'iyette téxi bir musteqil dölet emes" dégen idi.

Wildér yene teywenning hazirqi emeliy ehwalgha asaslan'ghanda birleshken döletler teshkilatigha eza bolup kirelmeydighanliqini körsetken.

Teywen, eslide jungxu'a min'go (xitay jumhuriyiti) dégen namda birleshken döletler teshkilatigha eza bolup kelgen bolup 1971 ‏- yili birleshken döletler teshkilatidiki ornidin ayrilip qalghan. (Jüme)