Teywen, béyjingni tinchliqqa tehdit séliwatidu dep eyiblidi


2007-10-01
Share

Xitay tashqi ishlar ministiri yang jiéchi jüme küni b d t ni agahlandurup, teywenning b d t gha eza bolush arzusini xelq awazigha qoymaqchi bolushining rayon xaraktérlik muqimliqqa éghir bir tehdit ikenlikini bildürdi.

Birleshme axbarat agéntliqining xewer qilishiche, teywen tashqi ishlar ministirliqi 1 ‏-öktebir(düshenbe) küni bayanat élan qilip xitayning yuqiriqi sözlirini ret qildi. Bayanatta bildürülüshiche, tinchliqqa tehdit séliwatqan terep teywen bolmastin, xitay tereptur. Xitayning teywenni nishanlap turghan 1000 gha yéqin bashqurilidighan bombisi bu tehditning pakitliridur.

Bayanatta, " bir xitay" prinsipi ashkara tenqidlinip mundaq déyildi: " teywen xitayning bir parchisi emes, teywen bilen xitay 1949 ‏- yildin béri ayrim-ayrim halda öz aldigha bashquruluwatqan ikki dölet , bir-birige tewe emes , xitay teywenni bashqurup baqqini yoq , bir tiyin baj élip baqqinimu yoq. Teywenni xitayning bir parchisi déyish ré'alliqni burmilighanliq hem xelq'ara jama'etni xata yétekleshke urun'ghanliq."

Yene birleshme agéntliqning xewer qilishiche, tـeywen démokratiye -ilgharliq partiyisi mushu yekshenbe küni achqan partiye qurultiyida, teywenning musteqil kimliki we igilik hoquq ornini xelq awazigha sélish layihesi, uzun talash-tartishtin kéyin maqullan'ghan. Yighinda élin'ghan qararda mundaq déyilgen: "namimiz xitay jumhuriyitidin teywen'ge özgertilidu, eng qisqa waqit ichide yéngi asasiy qanun yolgha qoyulidu. Muwapiq bir peytte , teywenning igilik hoquqluq orni xelq awazigha sélinidu." (Shöhret hoshur)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet