Teywen dölet bayrimida özi tetqiq qilip yasap chiqqan bashqurulidighan bombilarni parattin ötküzdi
2007.10.10
10 Öktebir charshenbe küni teywen dölet bayrimida özi tetqiq qilip yasap chiqqan, awazdin tiz uchidighan shyongféng 3 we tyenkung 3 tipliq bashqurulidighan bombilar parattin ötküzüp, kishilerning diqqitini alahide jelp qildi.
Mutexessislerning mölcherlishiche, mezkur bombilarning otturiche uchush musapisi 800 kilométir bolushi mumkin bolup, jenubi xitaydiki xitayning bashqurulidighan bomba bazilirigha, shangxey, xongkong qatarliq sheherlirige ünümlük zerbe béreleydiken.
Fransiye agéntliqida teywen prézidénti éytqanlirini neqil élip körsitishiche, teywen prézidénti chén shüybyen dölet bayrimidiki nutqida, xitay hökümitining herbiy hazirliqlar kéngeymichilikining dunya tinchliqigha tehdit élip kéliwatqanliqini bildürdi we xitayni teywen qaritip tizip qoyghan 1000 dane bashqurulidighan bombilirini éliwétishke qistidi.
U yene, teywenning birleshken döletler teshkilatigha teywen namida eza bolup kirishi üchün omumiy xelq awaz qoyush pa'aliyitini dawamliq élip bérishta ching turidighanliqini bildürdi.
Teywen prézidénti chén shüybyen nutqida, teywenning musteqil bir dölet ikenlikini we teywen xelqning oz teqdirini özi belgilesh hoquqigha ige ikenlikini körsitip: " peqet teywen xelqila öz dölitining kelgüsini belgilesh hoquqigha ige" dédi.
Teywen 16yildin béri tunji qétim élip barghan bu herbiy parat, xitay- teywen munasiwetliridiki jiddiychilik ulghiyiwatqan mezgilge toghra kelgen bolup, yaponiye hökümiti bayanat élan qilip, xitay we teywenning bir- birige soghuqqan mu'amilide bolushi kéreklikini tekitlidi.
Yaponiye dölet bayanatchisi nobutaka machimura: " bu ikki terep bu mesililerni tinch yosunda söhbet bilen hel qilishi kérek" dédi. U yene teywen bilen xitay arisidiki munasiwetlerni herbiy jiddiychilik bilen hel qilghili bolmaydighanliqini otturgha qoydi.( Jüme)
Munasiwetlik maqalilar
- Teywen dölet bayrimida yéngi bashqurulidighan bombisini körsetmekchi
- Xitay, teywen démokratiye -ilgharliq partiyisining musteqilliqni testiqlighuchi qararnamisini qattiq tenqidlidi
- Teywen, béyjingni tinchliqqa tehdit séliwatidu dep eyiblidi
- Teywen tekshürüsh idarisining ikki xadimi xitaygha melumat satqanliqi üchün qolgha élindi
- Xitay azadliq armiyisining bash shitab bashliqi almashturuldi
- Teywen b d t ezaliqi üchün üzlüksiz tirishidighanliqini jakarlidi
- Teywen b d t gha eza bolush mesilisi heqqide xelq'ara sotqa erz sunushni oylashmaqta
- Xitay hökümiti amérikining teywen'ge qoral sétip bérish pilanigha naraziliq bildürdi
- Teywende yüz minglighan kishi, teywenning b d t gha eza bolushini qollap namayish ötküzdi
Köp körülgen xewerler
RFA
- Uyghur ziyaliyliri istanbulgha jem bolup, öz milliy teqdiri mesililirini muhakime qildi
- Dolqun eysa b d t kishilik hoquq kéngishidin Uyghur irqiy qirghinchiliqigha qarita emeliy heriket qollinishni telep qildi
- Uyghurlarning nopusi heqqidiki eng yéngi kitab
- Mongghul tetqiqatchi yang xeyying :“ Xitay hökümiti yürgüzüwatqan milliy assimilyatsiyeni xitay puqralirimu astirttin qollaydu”
- Wang xuning: “Shinjangdiki medeniyet, ma'arip we muqimliq siyasitini qet'iy dawamlashturush lazim!”