Чен шүйбйән : бир җуңго принсипи тәслим болуш келишими һесаблиниду


2007-10-16
Share

Тәйвән президенти чен шүйбйән, хитай коммунистлар партийисиниң баш секритари ху җинтав тәшәббус қилған " тинчлиқ келишими" ни рәт қилди. Чен шүйбйән: " тәйвән һәргизму бейҗиң тәләп қилған " бир җуңго" принсипи асасида җуңго билән келишим һасил қилмайду" деди.

Сәйшәнбә күни мухбирларниң зияритини қобул қилған чен шүйбйән йәнә: "икки тәрәп сөһбәт елип бериштин бурун , ноқул бир тәрәпниң хаһиши бойичә алдин һазирланған шәртнамигә асасән иш көрүш, тәйвәнниң җуңгониң бир қисми икәнликини етирап қилиш һесаблиниду. Шуңа бу хил келишимни тинчлиқ келишими әмәс бәлки тәслимчилик келишими дәп атаймиз " деди.

Дүшәнбә күни , хитай коммунистлар партийисиниң 17 ‏- нөвәтлик мәмликәтлик хәлқ вәкиллири қурултийиниң ечилиш мурасимида сөз қилған хитай дөләт рәиси ху җинтав , икки қирғақниң өз ‏- ара кеңишип, тинчлиқ келишими түзүшини оттуриға қоюш билән биргә, буниң алдинқи шәртиниң " бир җуңго" принсипида чиң туруш икәнликини алаһидә тәкитләп өткән иди.

Әмма, чен шүйбйән җуңго тәрәпниң, тәйвәнгә қаритип тиклигән нәччә йүзлигән башқурулидиған бомбилирини шуниңдәк " бир җуңго" принсипини бикар қилмиғичә, тәйвәнниң җуңго билән һәрқандақ бир сөһбәткә қатнашмайдиғанлиқини билдүрди.(Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт