Chén shüybyen : bir junggo prinsipi teslim bolush kélishimi hésablinidu


2007.10.16
Share on WhatsApp
Share on WhatsApp

Teywen prézidénti chén shüybyen, xitay kommunistlar partiyisining bash sékritari xu jintaw teshebbus qilghan " tinchliq kélishimi" ni ret qildi. Chén shüybyen: " teywen hergizmu béyjing telep qilghan " bir junggo" prinsipi asasida junggo bilen kélishim hasil qilmaydu" dédi.

Seyshenbe küni muxbirlarning ziyaritini qobul qilghan chén shüybyen yene: "ikki terep söhbet élip bérishtin burun , noqul bir terepning xahishi boyiche aldin hazirlan'ghan shertnamige asasen ish körüsh, teywenning junggoning bir qismi ikenlikini étirap qilish hésablinidu. Shunga bu xil kélishimni tinchliq kélishimi emes belki teslimchilik kélishimi dep ataymiz " dédi.

Düshenbe küni , xitay kommunistlar partiyisining 17 ‏- nöwetlik memliketlik xelq wekilliri qurultiyining échilish murasimida söz qilghan xitay dölet re'isi xu jintaw , ikki qirghaqning öz ‏- ara kéngiship, tinchliq kélishimi tüzüshini otturigha qoyush bilen birge, buning aldinqi shertining " bir junggo" prinsipida ching turush ikenlikini alahide tekitlep ötken idi.

Emma, chén shüybyen junggo terepning, teywen'ge qaritip tikligen nechche yüzligen bashqurulidighan bombilirini shuningdek " bir junggo" prinsipini bikar qilmighiche, teywenning junggo bilen herqandaq bir söhbetke qatnashmaydighanliqini bildürdi.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.