Хитай, тйәнәнмен вәқәсидә мав зедоңниң рәсимигә сия чачқан кишини қоюп бәрди

Мав зедоңниң һәр хил рәңләр билән боялған рәсими. 1989-Йили 23-май күни тйәнәнмин мәйдани. AFP

Хитай һөкүмити 1989‏- йилидики тйәнәнмен оқуғучилар һәрикитидә мав зедоңниң рәсимигә сия қутисини атқанлиқи сәвәбидин түрмигә ташланған сиясий мәһбус йү дуңйүени чаршәнбә күни қоюп бәрди. Йүниң аилисидикиләр униң, хитай рәиси ху җинтавниң йеқинда америкини зиярәт қилидиғанлиқи сәвәбидин қоюп берилгәнликини билдүргән.

Ройтерс агентлиқиниң хәвәр қилишичә, хитай һөкүмити һәтта йүниң аилисидикиләргиму униң қоюп берилидиғанлиқини алдин хәвәр қилмиған. Бу йил 38 яшқа киргән йү доңйүе 16 йилдин ошуқ вақит түрмидә ятқан. Шундақла у түрмидә еғир қийин-қистаққа учриғачқа, һазир униң нервиси бинормаллашқан һәмдә тәпәккүр иқтидари аран 3-4 яшлиқ балиларниңкидәк икән. Йүниң аилисидикиләр һазир униң саламәтликиниң әслигә келишини үмид қилмақта.

Хитайдики сиясий мәһбусларниң қоюп берилишигә көп күч чиқирип кәлгән америкиниң "диалог фонди җәмийити" йү доңйүениң хитай һөкүмити тәрипидин қоюп берилгән тйәнәнмен вәқәсидики муһим затларниң бири икәнликини билдүрди.

Һазирғичә хитай һөкүмити тйәнәнмен вәқәсигә четишлиқи болған 70 нәччә нәпәр сиясий мәһбусни түрмидә тутуп турмақта. (Пәридә)