Xitay amérikining tyen'enmén weqesige arilashmasliqini tekitlidi

Xitay hökümiti charshenbe küni amérikining tyen'enmén weqesige qayta baha bérish toghrisidiki chaqiriqini ret qilip, buni xitayning ichki ishigha arilashqanliq dep eyiblidi.

Amérika birleshme agéntliqining xewer qilishiche, xitay tashqi ishlar ministirliqining bayanatchisi lyu jyenchaw " amérikining bu ipadisi, xitayni assassiz eyiblesh we xitayning ichki ishigha qopalliqche arilashqanliq" dédi. Shundaqla u yene, tiyen'enmén oqughuchilar weqesini "siyasiy qalaymiqanchiliq" dep süpetlep, xitayning bu weqe heqqide alliqachan ochuq yekün chiqirip bolghanliqini bildürdi. U sözide yene xitaydiki barliq puqralarning kishilik hoquq we erkinliktin toluq behrimen boluwatqanliqini eskertti.

4‏-Iyon küni tyen'enmén weqesining 17 yilliqi munasiwiti bilen amérika hökümiti bayanat élan qilip, xitayni bu weqede ziyankeshlikike uchrighanlarning éniq sanliq melumatini bérishke chaqirghan idi. Amérika tashqi ishlar ministirliqining bayanatchisi shyon makormak bu heqte, " buningdin 17 yil burun, xitay hökümiti öz xelqi teripidin élip bérilghan tinch yoldiki démokratik heriketni qanliq basturghan. Amérika hökümiti xitayning bu weqede ölgen, yarilan'ghan we yoqap ketkenlerning toluq sanliq melumatini bérishini küchlük telep qilidu" dégen.

1989‏- Yili 4‏- iyon küni xitay hökümiti tyen'enménde élip bérilghan oqughuchilar herikitini qanliq basturup, qolida qoralning suniqimu bolmighan nechche yüzligen hetta nechche minglighan kishining ölüshini keltürüp chiqarghan idi. (Peride)