Tyen'enmin meydanida bir kishi özige ot qoyup, hökümetke bolghan naraziliqini bildürdi

Xongkong démokratiye we kishilik hoquq merkizi, yéqinda bir xitay déhqanning tyen'enmin meydanida özige ot qoyup, hökümetke qarshi naraziliqini bildürgenlikini ashkarilidi.

Mezkür kishilik hoquq teshkilatining bildürüshiche, béyjing da'iriliri bu kishining néme sewebtin özige ot qoyghanliqi heqqide éniq ipade bildürmigen.

Tyen'enmin meydanining, xitayning yüriki hésablinidighanliqini tekitligen, xongkong démokratiye we kishilik hoquq merkizi": tyen'enmin meydani 1989 ‏- yili 4 ‏- iyun démokratik herikiti qanliq usulda basturulghan jay, shuningdek tarixtin buyan xitay puqralirining hökümetke bolghan naraziliqini bildüridighan jay idi, biraq , xitay hökümiti tyen'enmin meydanining amanliq xizmetlirini qattiq kücheytip kelgenliki üchün kishilerning bu yerge kélip naraziliq bildürüsh heriketliri intayin az körülmekte" dep körsetti.

Xongkong démokratiye we kishilik hoquq merkizi yene": xitay hökümiti, xelqning hökümetke bolghan naraziliqini erkin ipadilishige tosaq qurup, kishilik hoquq we démokratiyige izchil türde xilapliq qiliwatidu, biraq ,tyen'enmin meydanida 2001 ‏- yili falunggung teriqitining 5 neper muriti özige ot qoyush arqiliq hökümetke bolghan naraziliqini bildürdi. Bulardin sirt déhqanlarning yersiz qélish mesilisi we ishsizliq mesililiri, xelqning hökümetke bolghan nepritini izchil türde kücheytmekte" dédi. (Eqide)